In meim Kopf herrscht Chaos pur, vom Essen bis zur Diktatur. Doch oans des plogt mi immawieda, Liebe, Sex und hoasse Mieder. Wer denkt do gehts nur mir a so, kennt ned de Gedonkn von an Moo.
Nix raubt de Herrn mehr Energie ois de Frog, wia griag i sie und sie und sie! Wie konn i de, so schnös nur geht, vazahn und schänden fria bis spät?
Auf wos stehn Fraun denn wirklich so, sans Augen, Bärte, Männerpo? Gibt’s Sprüche de bei jeder wirken, oda ondre Schmähs ums vor zu türken, dass i nur des oane mecht, mein Penis reim an ihrm Geschlecht.

Heast Hawara jetzt höfts ma doch, mir föd da Flow bei dera Soch! I woass es klingt echt scho erbärmlich, um ned zusogen fost scho ärmlich, dass i nur an des oane denk, wo i demnächst a Schiff versenk.

In da Bibel stehts scho gschrieben: Man soll auch seinen nächsten lieben! Gonz so genau nimm is donn ned, weils mir nur um des oane geht. De scheenste Nebnsoch der Wöd, de griagt ma zwoa a für vü Göd, doch leisten muass ma si des kenna,
wos wa de Wirtschoft ohne Männer?!

Oft lieg i nächtelong im Bett und denk ma, maahhh wa des jetzt nett, a Puppal, des mi pockt und schändet, mi fia Erotikstudien verwendet. Doch imma donn wenns sponnend wird, mei Körper zuckt, scho fost vibriert, donn merk i es is nur a Traum und
schlof frustriert mei Geilheit aus, gonz ohne sinnlichen Applaus!

Des Single sein hod echt vü guads, koan Partnerstress, oiss konn nix muass! Doch gegen a boa hoasse Stunden, um Schatzis Körper zu erkunden, hätt i echt nix einzuwenden, i, da Typ mit Magiers Händen. Gibt’s denn nix oafochs um zu zoang, dass is schoff dirs zu besorgn?

Facebook, Tinder und dergleichen, mit dem Zeig konnst di bei mir echt schleichen. Wos juckt mi Internet und Co., wos ma braucht is Brust und Po. Zum Greifen muass wos „Echtes“ sein, ned Photoshop, ned Pornoschein. Ach Frauenwelt wos is denn los, wie schoff is nur an Evas Schoß? A schiacha Kund, der bin i ned, a weder gstört no wirklich bleed, doch liebesmässig duad si nix, drum bleibts dabei, dass i vü wix.

Masturbation mit Mass und Ziel, i kenn mi aus im Liebespiel! So monch a Typ kunnt no wos lerna, vom Hobel- Fritz genannt auch Werner. A Buach kunnt i darüba schreim, mir finanziell die Hände reibn, wenn i damit and Börse geh, de Leit vom Hobel Fritz vazö.
Doch Evas konnst damit ned fonga, de stön di eha no an Pranga, ois Wixer wiast vaschrian und gjogt, ois ob di ned as Gwissn plogt. Wer glaubt i hätts ned ondas gern, mi soiatns sofort eisperrn, der kennt de Dunkelziffer ned, vom Wixer Sepp, vom Hons vom Fred.

Denn olle Männer sam ma gleich, im Single Liebespiel Vergleich.

Poetisch, lyrischer Erguss der werten Frau Gscheid zum Thema Schmutz